【本報訊】「佢份人好有禮貌，但講嘢冇句真，信一成都死！」5呎7吋高的澳洲籍死者Michael，由於身材黝黑令不少街坊以為他是南亞裔人。Michael操得一口流利廣東話，與不少街坊有偈傾。他聲稱自己生意遍及飲食業及迷你倉，但謊言經不起考驗，久而久之街坊都知他「吹水」成份極多。
被指經濟拮据
一名鄰居表示，死者平日西裝骨骨，帶着公事包外出，見到街坊會打招呼，但吹水不抹嘴：「佢一時話自己女朋友係日本人，一時又講到喺春秧街有間7-11，梗係冇啦，唔信你走去問吓。」記者到該便利店查詢，店員指沒聽過有股東是澳洲人，又指﹕「我認得佢，成日嚟買啤酒飲，坐喺門口同人打牙骱。」街坊稱其女友實為菲律賓人，平日見他十分怕女友。
大廈保安透露，死者口頭禪是「好麻煩、好麻煩」，疑他沒有收入，經濟拮据，常向附近生果檔賒啤酒，「有一次，佢叫我去生果檔幫佢買啤酒，先知佢賒數冇還，怕老闆唔賣畀佢。」