日本動作演員倉田保昭喺銅鑼灣開設嘅「創武館」分舍噚日開幕，好友狄龍同梁小龍等到賀。狄龍話識咗倉田好耐，大讚佢守時又冇架子，狄龍仲話以前拍戲同倉田切磋過。講到許冠英離世，狄龍話好唔開心，因為佢成日同阿英飲咖啡同傾偈，佢話阿英和藹又善良，希望許家節哀順變。倉田就話只係同阿英細佬許冠傑合作過，但都覺得傷心。