【本報訊】大耳窿吸血10年，難為單親婦為了跑數和賺取生活費，淪落到為30元兜搭老翁口交。事件更揭露單親婦的可憐身世，早年她芳華正茂，卻遭賤男迫做舞女、被搞大個肚後慘被拋棄，兼孭了一身貴利債，5萬變22萬，還足10年也還不完。前晚單親婦疑再遭大耳窿禁錮，本報直擊她由警方救出虎口的經過。記者：李旭基、羅日昇、李啟發
前晚黃昏，記者在單親婦阿蓮屯門蝴蝶邨的寓所外，發現她的債主「貴利豹」上門追債，但阿蓮及其契爺無錢還，貴利豹於是將他們帶到大角嘴楓樹街一單位禁錮。至凌晨時分，屯門警署接報，派出七名便衣探員掩至，救出41歲的阿蓮及契爺等三人，事件中無人受傷。阿蓮現任男友陳先生事後興奮說：「如果吸血魔王唔死，我哋何以為家？」陳慢慢道出阿蓮的辛酸經歷。
95年，25歲的阿蓮被當時的男友威迫，在油麻地麗都卡拉OK做舞女，月入過萬元，但全被男友吞掉，當時陳是阿蓮的二房東。「我一路奇怪點解佢冇租交，原來佢俾條仔cap晒啲錢。」陳說，阿蓮被操控約六年，至02年初，更為當時男友懷孕，但男友得悉後，竟以阿蓮名義向麗都借糧3萬元之後走佬。
每月綜援唔夠還釘
無端欠一身債的阿蓮大受打擊，跳樓自殺但不遂，後確診患上精神病。陳說：「佢由正常變唔正常，我就扮演佢男朋友，一做就做咗成十年。」阿蓮要還麗都的3萬元兼生活艱難，加上契爺欠債，故找貴利豹借了5萬元，由陳代簽22萬元欠單。
十年來，陳及阿蓮一直還錢，一到月尾綜援出糧時，貴利豹便會現身收錢。「每月六千幾蚊綜援，都唔夠還八千蚊釘，餐餐食白粥，根本走投無路。」
若無錢還貴利豹便會郁手。「佢（貴利豹）會捉阿蓮去楓樹街個竇度禁錮，再叫我拎錢救人，無錢還就中（毆打）囉，又上門打爛雪櫃呀、風扇嗰啲。」因債項還不清，患精神病的阿蓮竟於今年8月25日，在屯門蝴蝶邨便利店兜搭一名74歲老翁，提出收30元幫他口交，更立即去附近停車場平台交易，終被街坊撞破報警。
阿蓮終承認為不道德目的而唆使他人及有違公德罪，被輕判監禁兩個月，緩刑一年。她輕度智障的9歲兒子，現仍被社署監管。
至於懷疑是吸血魔王的貴利豹，則被警方以涉嫌非法禁錮、放高利貸及自稱三合會成員等罪名拘捕後，昨午仍被扣查。
