男子組合CAllStar早前推出了新碟《新預言書》，四成員除了出新碟可喜可賀，他們更簽約林建岳公司旗下。加盟大公司，成員On仔笑言最緊張不是宣傳攻勢，而是有沒有其他歌手的演唱會飛。
On仔說：「我哋以前真係唔敢問人攞飛睇騷，東亞入面有好多歌手我哋都好鍾意，好似許志安、何韻詩、王菀之同盧凱彤等，佢哋開騷我哋真係真金白銀叫工作人員買飛，家我哋可以有免費飛睇騷啦。」
另一成員釗峰覺得大公司最大分別是多了人幫他們宣傳，他說：「以前真係一腳踢，出碟都唔識約訪問，好多時都係多得DJ朋友播歌，家唔同啦，多咗好多同事幫我哋安排。」
想搞大型音樂會
至於阿King希望公司可以為他們安排一個大型音樂會，他認為歌曲是與歌迷溝通的最好方法，更希望邀請到公司其他歌手擔任嘉賓。
採訪、攝影：李珮洳