跟無綫不歡而散的王賢誌，雖然已倒戈加盟now做主持，但近日他竟奉旨回娘家踩場，獲邀以東華總理身份參與下月《歡樂滿東華》籌款表演。另外，性取向成疑的他，坦言已覓得一段穩定感情，已拍拖兩年，但拒絕透露另一半身份。
王賢誌早年與無綫不歡而散，之後曾為亞視和有線擔任主持，最近他加盟now電視，為《now102觀星台》做主持。
以總理身份表演
日前王賢誌接受訪問，談到娘家無綫時，他說：「我都做過幾間電視台，有樣嘢係TVB冇嘅，就係尊重，佢哋永遠唔會去遷就我哋，你死你事，一定要就佢，連着自己衫都會俾人話；其他電視台好多工作真係會一齊去傾，令自己滿足感大好多。」
王賢誌是now主持，又是東華三院總理，聞說下月他不但上無綫《歡樂滿東華》呼籲募捐，且更擔任演出嘉賓。對此王賢誌直認不諱說：「有幾位前主席話我第一年做總理，建議我表演埋，咁咪更有意義，佢哋已經包咗幾十萬底善款贊助我。由於今次我係以總理身份演出，同now主持身份係冇衝突。我對上一次做東華司儀係2006年，上去表演籌款都係第一次，心情都幾緊張。」
感情方面，自言入行後未拍過拖的王賢誌，表示離開TVB最大得着就是覓得一段穩定感情，他說：「兩年前識咗另一半，到家都好穩定，當日冇離開TVB就唔會有呢段感情生活，因為當時成日都唔開心。」
「家人唔再畀壓力」
多年來王賢誌的性取向一直成疑，記者問他的另一半是男還是女時，王賢誌笑說：「大家都明白㗎啦！如果將來俾大家見到，我唔會介意介紹畀大家認識。屋企人見到我早年只係不停工作，家成個人都開心咗，所以佢哋都唔會再畀壓力我。」
採訪：王崇穎
攝影：陳順禎
服裝提供：D&G
髮型：AlaminofHairSalon
場地提供：馬可勃羅香港酒店
