梁漢文（Edmond）噚日去商台宣傳，之後接受記者訪問時提到成班老友兄弟日前夾份送咗支名貴咪畀佢開演唱會時用，佢話：「真係好唔好意思，無啦啦要班兄弟夾錢送畀我，支咪十幾萬，之前自己已經試過咪，都諗住買！可能會請成班人食飯，任佢哋叫囉！」Edmond又透露距離開演唱會仲有兩個月，希望喺呢段期間搵個老師練好把聲。