踏正今日，近來熱炒到爛的「那些年」收起，聚焦今年今日，十一時十一分十一秒，生生世世，經歷這人生大堆頭的十二個一，你覺得high了僅僅1mm，都值得。
今天出生的一哥一姐，出生證明欄中只有1，真是一枝獨秀。講一，應景一人一票，大家開心，不過一人一萬，更加歡喜。可能嗎？曾蔭權開了頭，兩位阿英誰上場都好，繼續派錢，六千加碼到一萬，甚至承諾，年年派錢，一心一意，票債肉償。
除了派錢，兩位阿英開出的期票，是要滿足樓奴，達至全民一房一廳。為了一磚一瓦，年青人願意被銀行按揭綁足一世，的確是香港奇景。不過政客永遠一時一樣，選前選後的記憶可以相差N咁多個1秒。反正我信了，特首選舉，人民力量唔會狙擊，選戰不存在一明一暗、一高一低。講到尾，兩個阿英，一舉一動，都是阿爺調教，一出一入，分別不大。而問心講句，無得舉手無得揀的市民，看特首選舉，當做睇股就算，大戶一買一賣，關你車事。
今年今日千載難逢，但跟其他日子一樣，很快會變成當年今日。安啦，NBD啦。