大的不爭氣，惟有望新的帶來衝擊，碰巧世界1哥大駕光臨，向來自傲的英格蘭幼獅，難得明晚在溫布萊擺陣，有力減壓盡情發揮；友賽而已，由熱變冷，由焦點變為配角，揚名立萬機會來矣。
過去十多年被阿仙奴領隊雲格榨乾後出售的球星可不少，巴塞也做過幾次水魚，但前隊長法比加斯則例外，在阿仙奴浸足7年，回到超凡的母會巴塞隆拿，依然耀眼，今季在巴塞11場聯賽上陣8次入5球，24歲天才橫溢卻只費不足3,000萬鎊轉會費已可回收。加盟僅3個月，法比仔即成超人美斯之後的次席射手，那種從後殺上的侵略性，如往昔配箭頭亨利或之後尹佩斯一樣威猛，高興見隊長，一切安好；載譽歸來，也不損英超金漆招牌。
英超或西甲，那個聯賽最強，向有爭議；不過西甲球星在英超卻一直成長，去到別處依然煞食，從沙比阿朗素及費托在利記也相當出眾；大衛施華今屆在曼城大放光芒，及車仔未來的進攻命脈、來自華倫的桑馬達，可見一斑。英超強豪近年在歐聯輪流遇到巴塞（皇馬通常早出局，較少碰頭），狂牛國腳在英倫成長，而英超大小球星，也累積不少對賽經驗，今番對手殺入溫布萊，英兵理應無懼。英軍對上一次主場打真軍炒不到威爾斯，今次弱陣會大敗狂牛？賭波只懂計對賽計邊隊落飛，準會輸到抱頭。
雄獅因朗尼落選等種種原因，會有不少幼獅撐場試陣，其中韋碧克及史杜列治兩位豪門上位箭頭，戰意必盛。客軍為遷就巴塞班大哥周三晚要落場踢盃仔，這場友賽改在周六，匆匆歸隊操一課半課又要去英國，準備有幾認真，可思過半。
歐洲政經立立亂，4場歐國附亦然，係叻都唔使搞到要踢生死戰，所以思維傾向全博冷；先選波斯尼亞，主場氣勢澎湃，必定主攻，逢葡兵內訌，有力先勝一場。另外捷克班老兵接近被榨乾，幾隊上風波中會最危；反而黑山未見底，咪恰佢哋作客賽績劣，可大膽博冷W。下次見報(19/11)
文：蘋果波神
今日重心推介
熱選：英格蘭勝[+1]（1.8）
冷選：黑山勝（5.2）