森美將於下月中舉行兩場名為《情聖》的talk騷，日前他接受訪問時坦言大部份港人已不再浪漫，謝霆鋒已是香港最後一個情聖，所以他誓要在兩場表演中，令到全港人再次擁有浪漫，為此他不惜在訪問中大爆結識的女友都是處女！
別看森美經常口花花，原來婚前的他只拍過三次拖，最後一個女朋友便是現任老婆，雖然拍拖次數不多，但他對愛情及浪漫卻看得絕對重要。
「第一次手忙腳亂」
森美說：「家香港人其實已經冇乜浪漫，好少人仲會為咗另一半而花心思，已經冇乜幾個情聖。對我嚟講謝霆鋒已經係香港最後一個情聖，佢喺金像獎拎完獎後，同張栢芝講嗰段說話真係好冧。」
當記者表示鋒芝深情不再並已離婚，森美說：「咁唔一定每一段浪漫愛情都會開花結果，但佢講嗰一刻一定係真心動人嘅。」
問到森美另一半是否一定要純情？他坦言：「一定啦，識嘅都要係處女，我嘅第一個女人就係我老婆，都幾手忙腳亂㗎，啲朋友成日笑到我面黃！」
伸脷嚇窒初戀女友
森美在訪問中又自爆初戀瘀事，他說：「我讀中一嘅時候仲未有初吻，就問一個學姐究竟濕吻條脷係點郁㗎，個學姐就伸條脷出嚟示範一次啦，咁到我同初戀女朋友kiss時，我又伸條脷出嚟，佢即刻彈開仲問我係咪肚餓，做乜伸條脷出嚟，幾鬼瘀呀！」
而talk騷的另一主題是夾band，森美表示騷中會與Hardpack齊齊jam歌，希望可把現場氣氛再推高一些！
採訪：文國駿
攝影：黃偉雄
化妝：PuiPui
髮型：VincePangofILCOLPO（TST）
場地提供：SuzukiCafe'（海港城）
