加入樂壇第二年的林奕匡（Phil）希望成為一位唱作歌手，12歲已經學吹色士風及彈鋼琴的他最近經常作曲，因他深知在樂壇發展要有一個清晰的定位才能事半功倍，故他決定走上唱作之路，並希望有朝一日為偶像張學友寫歌。
自小愛上色士風的林奕匡，早於12歲時已受老師薰陶，近日演出時他必定會帶同兩支最愛的色士風上陣又吹又唱。
地牢練色士風
成功背後Phil當然要付出努力，他說：「細個時，老師要我一日起碼練習兩個鐘，不過我每日都唔只練兩個鐘，由於喺學習階段，一定會吹到走音，當時哥哥成日都會鬧我嘈住晒，好彩加拿大地方大，我就匿埋喺地牢練習。」
由於樂壇不是太多歌手懂得吹色士風，Phil希望以此作為自己的icon，他說：「Saxophone（色士風）絕對唔係一種solo嘅樂器，但係佢好易吸引到聽眾嘅注意力，我好想以後大家睇多啲我嘅演出，一見到Saxophone就諗起我。」
Phil最近向唱作之路進發，他於即將推出的新碟中亦會有自己的作品，他續說：「作為一個歌手可以自己寫歌自己唱，嗰首歌一定會好有mood，所以我好努力咁寫，想有一日做到成隻碟都係自己嘅作品，同埋我好想有朝一日為我偶像張學友同楊宗緯寫歌。」
向楊宗緯自薦
Phil自爆早前於一個演出場合中遇到楊宗緯，他更把握機會送上自己的唱片給楊宗緯，主動提出為他寫歌，他笑言：「我都估唔到自己會咁大膽，但機會唔係成日有，我都估唔到當時楊宗緯會答應，我一定會好畀心機去寫呢首歌。」
採訪：李珮洳
攝影：黃偉雄
