平時睇波見球員回傳畀龍門，正常不過，冇位咪畀後囉。不過，喺南非一場超級聯賽，黃金飛箭隊嘅球員就可能以後都唔敢咁做。皆因上周三佢哋喺聯賽對阿馬祖魯嗰時，飛箭後衞莊拿斯回傳畀門將韋利斯（圖），韋利斯當眾出醜，搞到球隊輸波！門將腳法唔好都預咗，但好似韋利斯咁退後兩步度位，到控波嗰時竟然坐低咗，最後自通大細失波，就真係好少見！
