楊采妮、玩具大王蔡志明一家昨日現身圓方，為HarryWinston新店剪綵。楊采妮大談錶經：「自己好彩多人送錶，第一隻係家傳之寶，由我婆婆傳畀我媽咪，之後傳畀我，希望我都可以傳畀下一代。以前有男友送過錶畀我，送錶好過戒指，收戒指壓力大啲。」好友紛紛結婚，有否被家人催婚，她說：「父母、婆婆都冇催，其實我身邊仲有好多朋友未嫁。」
婚期未有，卻熱愛小朋友，楊采妮說：「唔擔心高齡，我領養都得，我之前都有助養小朋友，前後有六個。」她更透露剛完成與郭富城合作的電影《寒戰》：「好開心可以同梁家輝再合作，係《東邪西毒》後再合作。」
蔡加讚未訂婚
此外，蔡志明細仔近日傳出與拍拖不夠一年的汪圓圓訂婚，蔡加讚昨日否認：「暫時未有好消息，冇失敗過，亦冇成功過，大家都後生，做嘢先，人生流流長，好穩定。」是否視圓圓為結婚對象，他說：「家好穩定，呢啲係將來嘅事。」
採訪、攝影：梁錦雯