實力建業（519）前董事總經理洪建生，同前妻王家琪舊年婚變，衍生出連串官司，兩人雙雙退出董事會，交由乖仔洪繼懋擔正做主席收拾殘局。不過件事仲未完，雖然話係阿媽，但公還公、私還私，洪繼懋上星期四代表公司，向王家琪追返架平治房車同物業。
實力建業特登出新聞稿講述事件經過，仲話對事件感到無奈。至於洪繼懋要追返嗰架Benz車牌號碼「BS8888」，幾靚㗎。不過，王家琪話架Benz係自己資產，所以唔會退返畀公司。華華查過運輸署，個車牌已經停咗，之前登記車主個名的確係王家琪。
據公司講，架車已經賣咗畀新買家，家要搞到上法庭，仲係阿仔追返阿媽，真係「清官難審家庭事」。