有「民企之父」美譽嘅張化橋（圖），由投資銀行跳入民企，過大耳窿癮嘅張化橋，自從向外宣佈加入蚊型股民生國際（938）做行政總裁之後，唔單止成日喺個blog度評吓大陸中小企融資政策，仲喺blog度招聘助手。
事隔唔夠兩個月，又再有蚊型股搵佢入局，今次係博耳電力（1685），但今次只係做非執行董事，年薪30萬元，似乎今次唔會好似喺民生咁，孭重飛。
張化橋有「民企之父」個朵，入親民企都可以令個股價爆升，上次深控（604）係咁，入民生國際短短幾個月，業績仲未交到，就已經有春江鴨率先行「炒一轉」，今次入博耳，會唔會仍然有「化橋效應」，大家要拭目以待。