黃百鳴一向喜愛拍賀歲片，常找來當紅影星合作，大堆頭搞笑一番，還喜用爆紅新人，今次找來憑一曲《唸你》熱爆網絡好一陣子的劉家昌兒子劉子千，夥拍內地女星楊冪，還有宇宙最強甄子丹戴上假髮攬實搞笑高手吳君如，笑爆農曆年。
黃百鳴、甄子丹、吳君如、劉子千與楊冪，早前齊為賀歲電影《八星抱喜》拍海報，君如與子丹這對，一出現即令大家有驚喜，君如一條低胸長裙，騷少少事業線，再加一頭長假髮，子丹同樣戴上假髮，孭住結他扮Rock友，驟眼看有幾分似成龍，又有幾分似JoeyTang（鄧建明），連他自己都忍俊不禁。
「感覺到佢有掌風」
子丹和君如雖然首次合演情侶，拍照時被要求攬攬抱抱，二人毫無顧忌，子丹更將君如成個抱起，合拍非常，君如還大讚子丹有搞笑天份，她說：「成日記住佢葉問個樣，以為佢好鬼認真，咁佢又好功夫，成日都感覺到佢有掌風，估唔到佢咁搞笑，好快就入到戲。」子丹直言要與君如做對手戲，令他非常緊張，他說：「好彩君如姐帶我入戲，大家都合作得好開心。」
劉子千怕醜面紅
首次拍戲的劉子千，一貫怕醜仔作風，就連影海報時與對手楊冪合照，動作也非常生硬，臉也漲紅，反觀楊冪自然得多，劉子千說：「第一次拍戲，真的很緊張，怕影得不好。」楊冪則大讚子千非常聰明，很快融入環境。
採訪：胡比
攝影：黃偉雄