昨日有指新加坡籍的音樂人陳奐仁（Hanjin）於08年，秘密與圈外女友Prima註冊結婚，又被指曾追張栢芝，Hanjin昨日在電視城拍劇，他對此愕然地說：「邊度報道出嚟？咁堅嘅？我唔識答呀，要問吓老婆。」
之後Hanjin大方說：「我哋三年前註冊，嗰陣已認定佢係我一生一世，但佢屋企有喪事，唔方便擺酒，所以註咗冊先。我哋中國人有啲傳統係守孝期，過咗咪會搵好日子補擺喜酒。」他續說：「我哋一路都冇講，唔想人哋覺得結咗婚又唔擺酒，諗住度啱日子，先一次過公開。」他又否認追過栢芝。
此外，農夫昨日出席活動，表示不知道Hanjin已婚，並說：「08年嘅時候，你哋都冇興趣知佢係咪結婚啦。」
採訪、攝影：何慧斯