林建明噚日到新城接受薛家燕主持嘅《開心家天下》節目訪問，搞「心晴行動」搞得有聲有色嘅大姐明話佢哋明年1月8日會搞慈善跑步賽，主要係為「心晴行動」籌款。之前佢邀請咗好友鄭裕玲、吳綺莉同苗僑偉做活動大使，佢噚日話好希望到時幾位大使都會親自到場參加，而佢自己都已經積極練跑，家仲已經瘦咗十幾磅㖭。