愛華頓中場魯迪維爾（圖）近排人氣唔錯，啱啱入選英格蘭國家隊之後又有搞作，成為第一個着住英國奧運隊波衫公開亮相嘅英格蘭球員。出年倫敦奧運到底東道主派乜人去參加足球項目到家仲爭議緊，之前艾朗藍斯同加里夫巴利先後着住英國奧運隊波衫已經令到威爾斯足總唔多高興，唔知魯迪維爾咁做卡比路又會點諗。