關仁最近同一位圈中老友傾偈講開圈中男藝人追女仔嘅手法，唔好睇廣播道騎師「心醜」把口好似好勁，仲好似好多計仔，轉數又高，原來佢追女好屎橋，嚟嚟去去都得嗰一招，話說，喺佢未結婚前，佢好like用信紙或情人卡寫情信，每次約女仔，都會寫定三封肉麻到痹嘅情信，第一封就係喺約會時，一見面就畀個女仔，而第二封就會等到約會開始開餐時攞出嚟畀個女仔，到第三封最後一封，「心醜」會等到送到女仔返到屋企門口畀個女仔，個女仔就會甜到漏咁收埋封信，「心醜」除咗呢招之外，從來冇第二招，佢呢個老婆都係用呢招追番嚟，唉，關仁老土都要講句，橋唔怕舊，最緊要受！
撰文：關仁