【本報訊】建制派的「蛇齋餅糉」招數，並非無堅不摧。泛民區選幾乎全軍盡墨，多名政黨「大佬」落馬，一班泛民新星卻殺建制派一個措手不及，成功上位。他們大多是80後地區樁腳，花了數以年計時間扎根社區，透過街坊網絡灌輸民主意識，擊破對手「派着數」攻擊。
記者：白琳 陳凱迎 彭美芳
今年民主黨多名年輕黨員成功突圍，包括區諾軒、羅健熙與林立志。回想兩年前首次落區，區諾軒直言居民反應冷淡，「派咗成年（傳單），都冇乜人識我。」一年前遇上南港島線議題，居民擔心塌樓、沉降，區諾軒邀請公共專業聯盟講解工程細節，代街坊向港鐵追問資料，慢慢建立知名度，「對手淨係話會跟，實際你見唔到佢跟過乜。民主黨有個優點，起碼有基本選舉機器，攞晒街坊電話傳短訊催票，效率好正面。」
不諱言民主黨老化
面對政改爭議，區諾軒認為民主黨在泛民仍具重要角色，「有好多人唔鍾意民主黨政治立場唔夠鮮明，但係咁樣先能夠發展地區勢力。社民連嘅政治理念點搵五成人支持？」他不諱言民主黨有老化迹象，今次區選「終於有交替」。未來四年，他希望改革區議會制度，「以前市政局有得管街市，家衞生同租金問題，區議員都無權過問。區議會唔可以淨係理一條村，唔係派米派晒四棟樓就收工，要有視野。」
與民主黨分道揚鑣的新民主同盟於區選報捷，其中欣英區的鍾錦麟僅22歲，擊敗新界社團聯會代表王文傑。鍾花了三年建立地區網絡，靠改善交通設施與居民建立互信，「建制派淨係識吹噓自己，冇係令居民更加了解個議題，我要還番居民知情權。有啲街訪鄙視建制派啲飲飲食食團，反而關心生果金、全民退休保障。」有了地區網絡，六四、7.1動員事半功倍。最近外傭居權爭議，有街坊主動問鍾錦麟的看法，「我解釋建制派點樣抹黑，街坊會信任。地區工作唔一定忽視民主，好有效幫政團同居民建立關係。」
「區選靠地區工作」
鍾錦麟最初擔心離開民主黨或失支持者，但新同盟於地區議題繼續與民主黨合作，「我哋成功建立形象，話畀大家知分裂唔一定益咗建制派。雖然對政改意見唔同，大家仲係同路人。」
民協的蕭亮聲在嘉道理出選，對撼隱形左派陳景煌，「佢29年前開始做區議員，嗰時我都未出世。」他四年前首次出選該區，當時穿西裝派傳單，居民以為他是地產經紀，最後落敗。他在嘉道理100平方呎辦事處開始建立網絡，組織唐樓成立聯盟，抗衡田生地產，「我就幫業主團結。直到家，田生都搞唔到呢區。」面對人民力量狙擊，蕭亮聲坦言，民協一直不是靠政治議題吸票，「做區選，梗係靠地區工作。人民力量嘅支持者唔投我係好正常。」
