泛民主派今屆區選大敗，全港多個「票倉級」選區的席位，都遭建制派連根拔起。有民主黨人分析，泛民損失20多個區議會席位，若以過去所做的選舉分析評估，隨時令泛民在明年立法會選舉，每區損失1萬多至2萬票，足以令原本有機會勝出的席位落入建制派手上。
今次泛民在多個區議會重創，除社民連被「清袋」，民主黨在葵青、北區、中西區等均有多名資深區議員落敗。有民主黨人指出，今次失去這些議席，除地區組織橋頭堡被攻陷，建制派可長驅直入泛民票倉「插旗」外，更大問題是建制派可名正言順挖泛民牆腳，「以往佢哋（建制派）要入我哋區議員選區大廈或者業主立案法團做嘢，特別係私樓同居屋，唔係咁容易，家佢哋插到隻腳入區，就可以用區議員個名，名正言順入去拆你泛民票」。
流失票落入建制派手上
該民主黨人形容，建制派這種手段如同漸進式為民主黨支持票拆倉，「今個月拆唔走你（泛民）呢座大廈嘅支持票？下個月再拆！家離下屆立法會有成10個月，呢班建制派區議員大把時間拆散你民主派票倉」。
假如泛民票倉被拆，他們出戰超級區議會也有很大困難，「泛民喺五區選票少咗，即係基本票少咗，就算家泛民仲有足夠區議員提名出三張名單出選，但係咪仲有足夠票贏三個位？」
今次區選落敗的民主黨立法會議員李永達表示，民主黨多年前做過選舉分析評估，一個區議會議席可帶動泛民候選人在立會選舉多取三成左右選票；以他的葵青區為例，失去三個議席代表明年立會選舉，葵青區得票可能少萬多兩萬張游離票，這些流失的游離票很大可能落入建制派手上，「咁搞法如果民建聯、工聯會可以分票精確，呢萬幾票夠晒佢地喺新界西贏三個直選位，泛民完全冇得鬥」。
《蘋果》記者