唐貝詩和林莉昨日在觀塘apm，變身紅衣女郎宣傳聖誕活動。唐貝詩月前和毛玉萍兒子Eric分手，她透露已分手兩個月：「家返工好忙，朝十晚七都冇出去識男仔，同埋媽咪都唔准我拍拖。」問拍拖時，可有拍攝陳冠希跟模Cammi的同類慾照，她說：「我好少影呢啲相，咁同男朋友都會影合照。」
問可會接受裸體拍照，唐貝詩說：「唔話你聽，不過我覺得就算有人真係影呢啲相，好好保存，就代表尊重對方。」唐貝詩又指現時已完成學業，回港的第一份工作，是在媽咪寇鴻萍的公司打工，她說：「我想搞個on-lineshop，會有明星專區，媽咪都幫手聯絡明星。」
採訪、攝影：卓寶花