鍾鎮濤（阿B）和女友范姜素貞4月在半山住所大堂，跟同住該處的阿B前妻章小蕙胞妹章小婉發生爭執，章小婉的手機被掟落地，阿B和范姜被控刑事毀壞及襲擊傷人三罪，昨日兩人上庭，獲控方不提證供起訴，但要守行為及自簽擔保，阿B離開法院後到酒舖買香檳慶祝。
鍾鎮濤和范姜昨準時到東區法院上庭，兩人請來好友盧敏儀任代表律師，結果兩人獲法院撤銷控罪，但阿B和范姜要守行為12個月及各以2,000元自簽擔保，其間不可再犯損壞和刑事罪行。
不搬離風水屋
辦理完手續後阿B和范姜一同離開，在法院外受訪，其間阿B一度高興得高舉拳頭大叫：「撤銷控罪呀！」談到要守行為，阿B笑言：「我都守咗幾十年，對我嚟講冇難度冇影響。」
問阿B判刑前有否擔心？他說：「都有，始終係犯咗法。」會否搬離半山住所避是非？阿B表示：「唔需要，嗰度係風水屋。」會否擔心再有同類事發生？阿B指這問題不關事不回應，但據知章小婉已在9月搬離跟阿B同座的半山住所。仔女有否為官非擔心？阿B說這是大人之間的事，小朋友不用擔心，范姜則謂：「小朋友知我哋係為咗保護佢，只係激動咗少少，小朋友會明白。」
案情指，當日下午一時許，鍾鎮濤和范姜素貞在麥當勞道的寓所大堂，巧遇前姨仔章小婉，雙方因女兒問題爭執，范姜推章的膊頭，及捉住其上衣，章取出手機欲報警，被范姜搶去掟在地上，阿B乘機踩向電話，章取出另一手機報警。
偕盧敏儀飲茶
阿B和范姜離開法院後到銅鑼灣跟盧敏儀等飲茶，剛巧經過酒舖，阿B花了400多元買香檳慶祝，眾人食了大約兩個鐘就離開，阿B和范姜之後坐車返半山住所。
案件編號：ESCC4454/11
採訪：胡比 攝影：陳俊強