張敬軒多年來和關智斌（Kenny）傳出斷背情，但近年有指因許廷鏗介入令兩人情海翻波。前晚軒仔在九展舉行尾場演唱會，Kenny現身坐VIP位捧場宣示主權，相反許廷鏗孤獨現身為台慶綵排，慘受情困壓力爆煲滿面瘡。
張敬軒一連三場的「港樂X張敬軒交響音樂會」前晚在九展StarHall舉行最後一場，雖然之前傳出因許廷鏗的介入，令軒仔和緋聞斷背好友Kenny情海翻波，不過前晚Kenny大方現身坐台下VIP位捧場，反而英皇歌星鄭希怡及泳兒坐山頂位，足見Kenny的正印地位。
當晚軒仔請來黃耀明做嘉賓，兩人合唱《迷失表參道》，唱畢明哥想飲水，但險些飲了軒仔那一支，軒仔搞笑說：「唔緊要，口水可以傳友誼。」
情深款款唱情歌
完騷後軒仔出席慶功宴，提到Kenny坐VIP位捧場，他說：「佢係自己買飛支持。」記者笑言Kenny似是宣示主權，軒仔謂：「如果係咁要坐中間。」軒仔又否認自己唱情歌時情深款款望着Kenny，笑稱自己是望着鄧萃雯。不過現場拍攝嘉賓時台上大銀幕會播出來，偏偏未有影Kenny，軒仔表示：「唔係刻意，咁難得佢嚟，竟然冇入鏡，我怕佢嬲㖭，真係要補拍。」
提到許廷鏗未有捧場，軒仔笑言早知叫他和Kenny一起坐，他直言有打算請許廷鏗來看，不過軒仔說：「不過臨近頒獎禮，對於佢作為新人嚟講，有呢啲新聞真係唔係咁好。」果然夠細心。至於許廷鏗前晚在電視城為台慶綵排，現場見他面上瘋狂爆瘡，提到未有捧軒仔場，他解釋：「因為呢排比較忙，我冇送花籃，但朋友呢啲在心中，佢知我支持佢。」許廷鏗強調並非怕緋聞而缺席。
Wyman同千嬅冇溝通
此外，黃偉文（Wyman）亦有看軒仔尾場，提到跟楊千嬅不和新聞兼疑似互相爆粗問候，他笑言：「我睇到啲報道就爆粗，不過我認呢五年大家係冇乜聯絡，私下幾乎冇溝通，唔知邊個見到我哋拍膊頭呢？」Wyman此話講明跟千嬅只是普通朋友。
採訪：王連連 攝影：仇志德
