搵食艱難，堂堂前英超射手，踢過愛華頓、查爾頓同伯明翰等球會嘅馬古斯賓特（圖，簡稱M賓），連印尼球隊都唔放過，幾日前加盟印尼升班馬米達古卡。33歲嘅佢近兩季已經喺英格蘭球壇站唔住腳，俾伯明翰先後借去4家球會都入唔到波，上季尾約滿冇得留低。講番支升班馬野心都唔小，除咗佢之外仲簽咗曾經代表喀麥隆踢過兩屆世盃嘅後衞尼贊卡。