周慧敏昨晚在沙田新城市廣場出席聖誕亮燈活動，稍微露事業線的她高貴性感。周慧敏笑言下月聖誕節當日不用工作已很開心，她說：「經理人叫我hold住個期先，如果真係唔使做嘢，就會返教會，嗰度有好浪漫嘅蠟燭，其實去邊都冇所謂，只要同重視呢個節日嘅人過就得，好似親友同老公咁。」
難忘母送玩具狗
自爆小時候都是寂寞地過聖誕節的周慧敏說：「因為屋企得我，又窮，唔敢問媽咪攞禮物，但係都好想有聖誕老人騎住架車送禮物畀我，所以我會叫媽咪夜晚開住個窗等聖誕老人。第二日真係收到會郁嘅玩具狗，知道媽咪儲咗好耐錢買畀我。」周慧敏坦言現時有沒有禮物都不重要，只想令社會更加和諧，她透露曾與老公倪震到內地探訪小朋友。
採訪：溫敏芝
攝影：陳志嵐