李治廷、周冬雨、竇驍同陳喬恩等主演嘅《傾城之淚》，噚日喺北京舉行「全球啟動盛典」，片中李治廷同周冬雨扮情侶，所以佢哋一見面就傾到雞啄唔斷，仲約定完成兩日宣傳後一齊食火鍋，但唔知係咪怕傳緋聞，佢哋會同成班工作人員一齊去。李治廷賣花讚花香話入場睇《傾》片，係畀觀眾一個喊嘅理由。