曼城前鋒巴洛迪利除咗係「腦殘」之外，原來仲有自戀狂！早前隊友米卡李察士大爆：「巴洛迪利超自戀，成日覺得自己好完美。佢仲同我講：『你睇吓我幾靚仔！我出街一定媾死女！』佢個樣不知幾認真，肯定唔係同我講笑。」另外，曼城喺美國加州發掘咗一位墨西哥足球神童（右），踢過阿仙奴加州青訓嘅佢，喺曼城試操6星期，十足十電影《一球成名》嘅劇情。