「小Monkey」爛玩爛滾，佢嘅行徑已經令好多人反感，覺得佢冇得救，就算佢要喺娛樂圈再撈落去，啲人都睇死佢冇乜生機。不過話分兩頭，佢女又真係有一手，好多女肯同佢上床之餘，幾乎對佢提出嘅要求都好少拒絕。不過小Monkey都試過失手，話說幾年前佢同「義氣姐」合作拍戲，兩個人年紀相差一大截，但小Monkey明知義氣姐有個威水男友，打風都打唔甩，佢一樣冇有怕照追，之不過義氣姐見慣世面，真係嫌佢太嫩完全唔受媾，小Monkey都係醒目仔，知道義氣姐冇意思玩就收手，所以家佢兩個都仲可以繼續做好朋友。