陳霽平最近擔任健身器材代言人，日前她穿上bratop和窄腳褲拍廣告，示範做運動，大騷24吋小蠻腰。陳霽平自爆十分為食，腰間經常積聚豬腩肉，她日前說：「我仲要係唔肥唔食，平日最抗拒唔到係西式甜品，尤其芝士蛋糕，呢啲係致肥食物。」
在家做Gym
雖面對美食沒節制，但陳霽平一旦有肚腩，即自動自覺做運動減肥。由於她近年常為健身器材代言，廣告商不時送她器材收身，於是她足不出戶便可享受做gym樂趣，她說：「我一收到新機，舊機就轉送屋企人，大家一齊做運動會健康好多，我家又懶去做瑜伽，最鍾意喺屋企邊睇電視邊做gym，最啱我呢啲懶人，唔覺唔覺就會fit咗。」
採訪：比華利