《那些年》在港贏盡票房口碑，娛圈和校園都掀起追看潮，模周秀娜更迷上柯震東，希望有機會結片緣。
周秀娜：成部戲我最鍾意尾段飲宴一幕，柯震東（飾柯騰）上前喪咀新郎，但銀幕就交代佢同新娘陳妍希（飾沈佳宜）咀嘴，好頂癮。
徐淑敏：我好鍾意部戲個結局，陳妍希唔嫁畀柯震東未必唔幸福，女仔擁有一段美好初戀，結婚就揀一個鍾意嘅人，咁樣人生經歷夠晒豐富，我覺得呢部戲真係好值得睇。
張堅庭：全部戲好清新，但我嫌上堂打手槍場面太多，唔夠真實，呢啲場面會對女同學造成一定騷擾。
胡同學：我幾鍾意呢套戲，劇情好感動。套戲最後講沈佳宜結婚嗰一場最感人，我會再同同學睇多次。
王同學：呢套戲我覺得可以啦，佢嘅內容都幾感動，尤其係最尾結婚一幕，我會再睇多次。我嘅同學入面，冇人似沈佳宜或者柯騰，幾可惜㗎！
陳同學：結局好感動，睇到柯騰同沈佳宜以前雖然曾經為一啲事爭吵而唔可以喺埋一齊，但之後唔會嬲對方，冇咗愛情都有友誼。我冇學柯騰咁上堂打手槍，我都覺得戲入面柯騰幾靚仔。
