張學友日前接受鄧藹霖主持的港台節目訪問，大談家庭湊女經，佢話喺教育一對女兒方面，太太羅美薇扮演壞人角色，但其實本來係佢做壞人，見到大女發脾氣就會打手板，唔知羅美薇係唔係肉痛，之後就爭住做壞人角色。提到同太太結婚15年，學友話同羅美薇嘅性格好唔同，羅美薇就事事緊張，佢自己就乜都冇所謂。