賭王四房長女何超盈日前為造型師好友馬天佑現身goyeah.com的《潮人工廠》節目，為90後改造形象。問超盈平時會否花很多時間裝身，她笑說：「唔會，因為家返緊大學，五分鐘就可以返學，去event都係一個鐘就得，其實我個人好casual。」名人愛穿名牌，她說：「我唔認同，其實好多靚衫都唔係名牌，我最鍾意mix&match。」
超盈透露家人會限制其服飾：「爹哋媽咪唔鍾意我着得太性感，太暴露都唔鍾意。着衫講自信，自己着長褸偏向歐洲風格，簡單嘅裙襯個clutch，最重要係戴頂法國帽。」喜歡男仔怎樣的穿衣風格，她說：「我鍾意男仔着得斯文啲，好似西裝褸襯polo，唔鍾意着得太姣同太女性化，太誇張我唔鍾意。」
撰文：唐如