泛民主派能否在今次區選中扭轉劣勢，今日投票率高低是關鍵。有泛民中人指出，不少泛民支持者低估區選敗陣對他們做成的「殺傷力」，因為從以往經驗，泛民每失一個區議會議席，就如失去一個立會選舉動員據點，更難動員泛民游離支持者在立會選舉時出來投票，變相令建制派在明年立會選舉中有更大優勢。
有泛民中人指，2007年區選有逾114萬選民投票，投票率約38%，結果泛民在多個區均大敗，到2008年立法會選舉，有150多萬選民投票，投票率達45%，泛民成功與建制派拉成均勢，在港島區議席更多過建制派，顯示若在立會選舉投票中的選民，願意在區選中出來投票，泛民選情一定不會如現在惡劣，「唔敢話會贏好多，但係唔會輸到好大鑊」。
低估敗陣殺傷力
另一名泛民人士則表示，不少泛民支持者不會在區選中投票，「因為好多人唔係好搵區議員，又認為做地區嘢唔關民主普選議題，所以冇乜動力去投票」。但他指泛民支持者其實低估、忽略泛民在區選敗陣，其實對他們造成的「殺傷力」相當大，因為泛民區議會席位減少，「其實等於泛民成個餅都細咗，若果個餅細咗，泛民已經冇可能再擴張地盤，爭取更多支持者，反而對手可以借贏咗我哋嘅區議會議席，伸手入我哋嘅票源拆票」。此外，泛民區議會選區是立會選舉動員的據點，失一個區議會選區，就如失去一個動員游離支持者的機器，「民主派喺立法會選舉好靠游離泛民票，冇咗地區拉票據點，咪變相令建制派喺出年立會選舉有更大優勢，泛民隨時連保五成以上得票都好吃力」。《蘋果》記者