史篤城前鋒高治嘅老婆艾比（圖）作為一個model，着衫梗係要潮啦。星期五晚佢出席著名潮流雜誌Cosmopolitan，喺倫敦舉行嘅頒獎禮；呢啲世界名人都會出現嘅盛事，艾比唔着得潮啲、靚啲點得？佢當晚以一件綠色連身裙示人；上面仲有孔雀紋㖭！不過，啲孔雀紋眼花繚亂，睇見都頭痛，唔怪得艾比擺pose嗰時木無表情，仲要用手輕按太陽穴啦。