「地產霸權」經常被港人掛在嘴邊，想不到零售市場也有「霸權」！記者上周到林偉駿在觀塘的辦事處做訪問，剛巧當日就有深水埗集貨舖平賣「出前一丁」被供應商施壓，林偉駿得悉後感到無比驚訝，「自從我哋同太古單新聞後，竟然仲有呢啲事發生？」他慨嘆市場壟斷無處不在，「759阿信屋」被供應商施壓後，放棄售賣本地貨，轉戰日式食品市場，反而殺出一條血路。
去年7月才開業的「759阿信屋」一直以平價貨招徠客人，但自從被供應商停止供貨後，老闆林偉駿有感香港食品市場狹窄，貨源被人壟斷，轉戰日式零食市場，直接由日本進口食品，「為咗貨源穩定，阿信屋擴展速度迫住加快，反而越做越多。」林偉駿指日本市面有6000多款零食，阿信屋目前只引入其中2000多款，仍有很大發展空間，「今次自己由日本攞貨，點定價都冇人理。」
明年4月擴至90間
阿信屋的平價貨深得街坊歡迎，供應商施壓事件經傳媒廣泛報道後，更令阿信屋知名度大增，「估唔到《蘋果》咁大影響力，更堅定阿信屋嘅發展計劃，如果生意好咗我就加價，肯定會俾市民鬧死。」林偉駿指這次與太古反面，阿信屋惟有以後不賣本地可樂，但日本食品市場龐大，「好多生意係一個人做唔晒，唔能夠同最大供應商（四州）合作，都幾遺憾。」
阿信屋年底將有60間分店，到明年4月更會擴至90間，林偉駿坦言自己做事急進，阿信屋只花了一個月時間籌備，但這盤生意絕不冒險，「我哋咖啡賣6蚊兩罐，人哋就賣10蚊，毛利空間幾大！我就係睇中呢一點，知道零售市場有好多事可以做。」林偉駿指阿信屋的目標，是令香港人覺得食日本嘢是等閒事。