吳氏父子的公司位於粉嶺安樂村一個地舖，記者早前到訪，發現落了閘，閘外揳了多封寄自小額錢債審裁署、沙田裁判法院和賬務及法律諮詢部等信件，看來他們官司纏身。
上述單位業主何先生說，租客已有五個月沒交租，現正想辦法收回單位。在鄰舖經營帆布帳篷生意羅小姐亦沒好氣地說︰「佢哋好神秘㗎，就算喺公司都落閘。佢哋公司邊有嘢做，專職就係呃人，我唔見佢哋兩父子有正式business喎！」
原來羅小姐亦曾中招，阿達早前向其銷售員訂了萬多元戶外帳篷，但貨送上門後，支票卻被「彈票」。「我見到自己啲貨擺喺佢度，但啲錢又收唔到，嬲起上嚟自己走埋去攞返走。我都同職員講唔好再賣嘢畀佢哋。」「佢哋喺度四五年，唔明點解係咁呃人都唔使搬。拉咗佢冇咁嬲，佢哋好彩遇着嘅都係斯文人，否則俾人打跛隻腳咪一世！佢老竇教佢呃人，個仔搵過『容易錢』，仲邊肯打工，係咪害佢一世？」羅小姐說。
《蘋果》記者