【本報訊】兩名輔警在觀塘開淫竇，以免費嫖妓及金錢利誘掃黃警員通風報信，結果被廉署拉人封竇。記者昨日重返淫竇視察，發現仍有不少「識途老馬」摸上門，最終望門興嘆。有嫖客坦言該淫竇「出晒名係鐵竇」，又說早猜到「有皇氣撐」。
女住客︰成日㩒錯鐘好煩
涉嫌經營淫竇的男輔警「阿零」及女輔警「阿紫」，雖然每年估計可坐收逾800萬元（註:昨日誤植8000萬）收入，但作風低調，平日出入駕日本車，亦無穿戴名牌名錶，看不出是擁有11間物業的大業主。同袍獲悉兩人涉嫌經營淫竇，均感非常愕然，私底下議論紛紛。
「呢度係全觀塘區最多女、啲女最嫩口嘅雞竇，佢哋做得好誇張㗎，成個向西村（深圳著名「紅燈區」）咁!」一名自稱是熟客的男子，閱報得悉位於輔仁街樂昌樓的淫竇被廉署冚檔後，昨專程到來看看，並向記者侃侃而談：「呢度出晒名鐵竇啦。」又說鐵竇一直逃過警方掃黃，早料到是有警員在背後撐腰。他又說，聽聞淫竇老闆原經營桑拿浴室，兩年前才開始在樂昌樓開淫竇並迅速發展，「次次來都有成十幾件女任你揀」。
大廈三樓一名女住客說：「成日有好多男人出出入入，屋企成日俾人㩒錯鐘，好煩。」她說，有時晚上八、九點，走廊外常有嫖客排隊等候。與淫竇為鄰的16歲少年則說，每見衣着暴露的少女出入，都感不好意思，現時淫竇雖已被搗，但他相信不久又有新淫竇重開。