記者早前到阿達位於粉嶺海燕花園的寓所找他，吳父應門，彬彬有禮請記者入內傾談。「Madam你好，佢家唔喺屋企，你哋搵佢有乜事？」原來吳父以為記者是警察。阿達上月14日，涉嫌用假支票買了一部價值16萬的平治二手車，車輛轉名後即放上網拍賣，車主後來發現支票無法兌現而報警，記者找上門時，阿達仍被警方追緝。
指兒子有病
記者向吳父表明身份後，他即說︰「呢啲嘢已經交咗畀警方處理……呢件係一單惡作劇，好多好多問題發生。」想了一會，他叫妻子給他拿了件風褸，便帶記者到樓下停車場繼續傾談。
「我哋經歷緊一場大災難……佢（兒子）有病，我家真係好唔掂，我都唔想欠人錢，我有錢一定會還……」他說時七情上面，眼有淚光，但當記者問他兒子患了甚麼病時，他扮聽不到，繼續說︰「我喺大陸蝕咗好多，又俾人穿櫃桶底，你叫啲苦主嚟同我講，我逐個同佢哋解釋。」他解畫25分鐘，但內容來來去去都是如何遭逢不幸。
苦主林先生對吳父回應顯得不以為然︰「我之前打畀佢追錢，佢話自己一家攞緊綜援㖭，你信唔信？」吳父租住的單位有900多呎，月租1.3萬元以上，其妻亦在大埔明雅苑擁有一個居屋單位。
《蘋果》記者