名門之後嘅球員，因為壓力大，真正成名唔算多，今次就睇吓阿根廷悍將施蒙尼之子，基奧雲尼施蒙尼（GiovanniSimeone、圖）成就點嘞。16歲嘅基奧雲尼08年先加入河床青年軍，身價就好似坐火箭咁上，上季青年軍上陣26場入22球，今季更獲河床給予職業球員約，違約金更達1,500萬歐元。司職前鋒嘅基奧雲尼靚靚仔仔，希望唔好學埋父親嘅嗱渣招。