敢作敢言的莊思敏，去年以一百萬元擔任美容院隆胸代言人，由31A洗衫板搖身變成32D湯碗胸，短短一年已為她帶來千萬收入，她更揚言隆胸仍可餵人奶，故絕不拆彈，難怪美容院欲加薪100%吸引她續約。
莊思敏去年以一百萬元為Dr.Reborn擔任代言人，她公開承認接受了割雙眼皮及隆胸兩項整容手術，由於反應相當理想，美容院日前再安排她拍攝第二輯廣告，據知，美容院急不及待斟她續約，且闊綽地主動提出加薪一倍，由一百萬酬勞跳升至二百萬。
加薪一倍谷32D
莊思敏去年的三點式泳衣露巨乳廣告雖有睇頭，但新一輯廣告則改玩高貴神秘，充滿挑逗性，拍攝當日她共換了5套靚衫，其中一套高貴開胸晚裝，裏面真空沒戴Bra承托，開胸中露出深溝和乳邊，性感誘人，而另一套衫她戴上胸圍逼出32D湯碗胸，再披外套，盡顯野性一面。她說：「今次拍第二輯廣告想高貴啲，所以唔再着泳衣。」
莊思敏表示已經隆胸了一年，亦適應了隆胸感覺，她說：「最唔適應頭三個月，不過，家效果好好，已經介紹咗幾個朋友去整，其實好多女仔都想隆胸，但身邊冇人敢認，而我夠膽認，啲人咪夠膽問囉。」有沒有圈中女藝人叫她介紹？她口密地說：「有！但我唔會講邊位啦！」陳冠希的慾照新女Cammi堅稱沒有整容，以她經驗看來，Cammi有沒有整過？她不屑地說：「唔知Cammi乜樣，冇興趣留意。」
等皮膚鬆弛再整
問她還有沒有其他部位想整？她表示十分滿意現在的身形和樣貌：「最好就係呢一刻，32D着衫好咗好多，有晒自信，工作又多咗，賺多咗好多錢，等老啲皮膚鬆弛再諗整乜嘢。」至於有傳美容院加薪100%希望她續約，她說：「傾緊，不過未傾到價錢。」他日生BB會否拆彈？她毫不猶豫答：「應該唔會，已經問過專家，隆胸係可以餵人奶，我冇打算拆。」
採訪：胡苑君
攝影：陳慧安