之前完全唔識中文嘅鄭欣宜，前晚出席新城喺浸會大學活動時，竟然識睇九成多台詞，佢話歸功近年拍劇時不停向人請教成果，可惜男友成日都唔肯學中文，仲賴話自己無天份學中文，連佢嘅歌一首都唔識唱，最過份係連英文歌都唔識。不過欣宜男友都有補救方案，就係答應若果到結婚嗰日，佢會即場獻唱一首陶喆嘅歌送畀佢，得欣宜非常開心。