威爾斯足總一向反對旗下球員加入英國隊踢奧運，但奧運金牌嘅魅力冇邊個可以抵擋。繼早前加里夫巴利「抗命」，幫英國奧運隊紀念版波衫影咗輯硬照後，今次到威爾斯隊友艾朗藍斯「變節」（圖），佢着住英國隊波衫，幫足球雜誌「442」影咗張全版相。不過，威爾斯領隊史必啱啱照選佢哋兩個，踢嚟緊對挪威嘅友賽。