巴西前鋒阿祖安奴（圖）淪落到回流巴甲哥連泰斯搵食，仲未識自愛，之前因傷缺陣大半季，就變咗大肥豬，體重高達106公斤，球會請埋醫生同營養師，勒令阿祖減肥，不過阿祖依然故我。巴西雜誌就爆，阿祖為咗呃球會，用咖啡杯裝住啤酒，照舊飲酒。哥軍會長知道後就好嬲，叫阿祖唔好自欺欺人，下次索性飲埋威士忌。