七折買哈利　一網慳盡

慳得一蚊得一蚊不但是師奶界的原則，亦是不少玩車男的宗旨。不過在香港養車，在聯合油魔的操控之下，根本慳無可慳，所以惟有從車價入手！但買車不是去車行就是水貨店，咪又係貴！大家有無想過自己親手從外地買車入口香港？以下朋友就成功慳咗三成車價，值得參考！

記者：蕭漢祥
攝影：王文忠
Model：JumboTsang@ModelSpy

網購罕有型號

從事物業投資的Jacky，早於十年前已開始從網上訂購汽車零件來港，幫自己部愛車粉飾一番。不過於今年初，他決定再放膽一點，直接透過外國網站訂購心愛已久的HarleyDavidson，他說：「從外國網站買車，推動力除了比香港行貨平，最重要是好多車款根本香港無入口，即使向水貨車行查購，他們同樣都是幫你從外國批發商訂貨，中間又要分佣，倒不如自己直接從網站訂購，咪慳得更多。」
今年初，他從一個美國網站cycletrader.com留意到一台HarleyDavidson2009年款的SportsterIron，即時挑起他的網購慾望。他打聽過如果透過香港水貨店訂購，當時車價大約130,000港元，而在這網站展示的價錢為6,000美元，即約46,800港元，單是車價已經平六成有多，他旋即跟賣家確認及付款。同時，幸好他有朋友開設物流公司，可以協助他從當地收取貨及作簡單檢查，而運輸費約需11,700港元，運到香港的總花費依然平超過一半。若然無朋友從事物流行業，亦可拜託賣家安排船運到港，費用附加在車價上，一樣方便。

■為符合香港法例要求，到港後加裝中置煞車燈。

汽車到港「過三關」

Jacky想也想不到最花時間及金錢的，竟然是來到香港的部份。一部水貨車來港，需要經過三個政府部門批核，才可獲牌出街行駛。首先要準備所有相關文件，例如車輛在原有地的牌簿及車價等，供海關打稅之用。然後再交車到環保署及運輸署，分別為廢氣量及引擎規格等方面作檢驗，整個繳稅及檢查過程共花了20,000港元，但要等約三個月時間靜待出牌。不過Jacky笑言有了這次經驗後，相信日後再從外國訂購汽車回港，以上程序所耗的時間可以縮減至個半月完成！
到最後階段，慳埋慳埋當然仲可以幫部車扮靚靚，車主將車身噴上啞黑色，更換尾喉、冬菇風隔，以及為符合法例要求而加上中置的煞車燈等，約花上萬多元，最後總支出約91,000港元，與水貨行價錢相比，足足打咗個七折，係咪有得諗呢！