【本報訊】銅鑼灣名店林立，是旅客必到的購物點，特別是內地旅客消費力強勁，連鎖珠寶店、化妝品店、錶行等紛紛進駐，令該區商舖租金持續飆升。
有地產業界指出，銅鑼灣羅素街、波斯富街一帶新舊租約租金升幅高達兩至三倍，月租最少過百萬元，迫使不少食肆或小商店需遷到附近的街道如禮頓道等繼續營業，供不應求下，附近一帶商舖租金隨之被「搶高」。
相繼搶舖推高租金
地產業人士稱，由於羅素街等舖位有限，國際品牌、連鎖店相繼搶舖，推高租金，「搶咗原本做手機、食肆舖位，家租金閒閒哋都過一百萬、二百萬，咁佢哋惟有搬去附近嘅內街。」
銅鑼灣商舖供不應求，附近一帶租金也拾級而上，「禮頓道一帶雖然人流較少，但租金較平，原本可以容納啲傳統、有特色嘅餐廳，但喺羅素街被逼走嗰班商戶，轉咗去禮頓道搵舖，咁原本喺度嘅餐廳畀唔起租，自然又俾人逼走。」他估計，現時在禮頓道的南亞餐廳，呎租約80至100元。