泰迪羅賓（Teddy）今年憑《打擂台》一片奪得金像獎最佳男配角，演而優則唱的Teddy前晚更獲CASH肯定他對音樂的貢獻，並由譚詠麟、彭健新等宣佈他獲得「CASH音樂成就大獎」，Teddy卻自爆當年唱壞了把聲，令他不敢踏上紅館舞台。
一年一度的香港作曲家及作詞家協會（CASH）金帆音樂獎頒獎禮將於本月18日舉行，前日CASH邀請音樂大使譚詠麟、溫拿的彭健新及阿強等到尖沙嘴出席CASH頒獎禮的記者會，同時宣佈各獎項的入圍名單，當中陳奕迅入圍7個項目，他與王菲合唱的《因為愛情》亦入圍「最佳合唱演繹」，成為眾歌手之冠。
Teddy獲CASH成就獎
而大會亦在記者會上宣佈CASH最高榮譽獎項「CASH音樂成就大獎」就由66歲的泰迪羅賓（Teddy）獲得，並由阿倫等代表送上復古咪高峯給Teddy留念，令Teddy非常高興。今年4月Teddy在金像獎上憑《打擂台》奪得最佳男配角，早於60年代已玩音樂兼組成TeddyRobin&ThePlayboys，對樂壇貢獻良多。
前晚Teddy興奮地說：「一定好開心，一向同獎冇緣，今年特別有運，好似連鎖性，自己家仲有夾band，但冇表演，因為把聲唔舒服，傷咗，以前玩band鍾意流浪，唱壞咗把聲，家玩結他多啲，好少喺紅館唱，不過話冇人搵都冇人信，但自己冇把握，喺紅館要對得住觀眾。」而頒獎禮當晚Teddy會與樂隊的下一代如鄭中基、關楚耀等合唱，不過鄭中基暫時未落實是否有期到場，但他相信對方會給他驚喜，其一對仔女亦會回港支持。
對於陳冠希和16歲模謝芷蕙（Cammi）流出淫照，阿倫大讚Edison是食家，記者取笑Edison食到肚屙時，阿倫抵死說：「你點知人哋做乜，淡口啲，食清淡啲，着制服影係宣傳手法，我估，我猜猜咋！」他更叮囑Cammi要購買沒有影相功能的手機，這就不怕遺失電話外洩照片。至於會否忠告兒子不要亂影相時，阿倫即尷尬說：「多謝提點，佢冇手機，唔使忠告。」
採訪、攝影：溫敏芝
