去年在陳奕迅演唱會中一鳴驚人、被Eason譽為「天籟之音」嘅Yoyo岑寧兒，今年暑假一首漢堡包廣告歌，令更多香港人認識，筆者亦不只一次在唱片店目睹有客人垂詢岑寧兒嘅《YouAreTheSunshineOfMyLife》CD。到了九月中她的EP《4-6pm》於港台同步面世，短短個半月內斷市再加推至第三版，於今時今日只注重歌手包裝的樂壇來說，絕對係一個奇蹟，年底樂壇頒獎禮的新人獎少不了她的一份吧？岑寧兒的歌聲固然甜到漏，但最吸引的地方係樂迷可以從Yoyo發自內心的演繹中得到共鳴，聽碟中頭一首自彈自唱嘅《Mask》，已深深感受到岑寧兒歌聲如何觸動心靈。唯一挑剔的，係EP只得三首歌，超唔夠喉，我為何在此欄評這張碟？因為隻碟比我想像中、亦比本地大部份流行曲，有着更靚錄音水準。
文：李廸偉
（http://blog.yahoo.com/audioblog）