要體驗古老文化，唔一定要揹住背囊，坐喺豪華郵輪都有同樣感受。SilverseaCruises旗下載客量僅132人、全海景住宿的SilverExplorer，於明年2月至5月，有5個中南美洲、歐洲及北非遠征行程。
遠征加勒比海每位$2.8萬
除咗親身感受，船上嘅博物學家會同嘉賓講師一齊講解，有更深層認識，而且可登上zodiac小艇近距離進行驚險探索。
航程從阿根廷開始，於明年2月29日由烏斯懷亞出發到智利瓦爾帕萊索，途經加里波第峽灣及PioXI冰川等，體驗當地風景及文化，睇野生動物。「智利峽灣及巴塔哥尼亞」為期11日，全包式郵輪航費佔半房每位5583美元（約4.4萬港元）起。
嚮往加勒比海明媚風景的bigspender，可參加「加勒比海遠征」，明年4月4日由巴拿馬科隆啟航，以巴巴多斯布里奇敦做終站，沿途造訪獲列入聯合國教科文組織世界遺產的卡塔赫納圍牆古城，同埋加勒比最大的海洋公園等。航費佔半房每位3603美元（約2.8萬港元）起。
「復古歐洲」之旅訪葡萄園
至於「復古歐洲」之旅則可感受一下歐陸氣派，明年5月7日由葡萄牙里斯本啟航，為期12日，會到釀製靚葡萄酒出名嘅法國波爾多，仲會去二戰時期發生諾曼第登陸行動的諾曼第海灘，佔半房每位5108美元（約4萬港元）起。