【本報訊】過去數年令慈樂邨街坊神憎鬼厭，甚至被打甩門牙的公屋餵鴿男沈維佳，決定日內遷往元朗村屋過寧靜生活，令慈樂邨居民終可舒一口氣。沈坦言最放心不下的，是數以百計每日陪伴他的鴿群，希望遷出後街坊能善待鴿群。
記者：麥超億 關震海
「我係白羊座，性格係比較孤僻啲。」上周三（26日）與街坊為餵野鴿問題爭執，被打甩門牙的25歲餵鴿男沈維佳，事發數天後見記者時仍然戴着金絲眼鏡，抹上厚厚的頭蠟，一副依然故我。
「真係好無奈！」沈堅稱自己不是「餵鴿男」，多次否認餵鴿。他指鴿群03年已出現，當年他曾驅散白鴿，但擔心鄰居會用不人道的方法驅趕，只好長年開窗，讓牠們飛到冷氣槽，「佢哋當我個窗係樹枝，有咩辦法！」
然而據記者所見，餵鴿男受傷翌日，已不時在窗前露面，更不時伸手把「鴿糧」放入窗前膠兜。沈自言係二奶仔，10年前父親圖以電線勒殺母親，自小缺愛護，知心朋友少，只愛在窗前看鴿。
對於白鴿屎尿橫流，街坊狂抦，餵鴿男不以為然，反指近日不少「好朋友」傷痕纍纍，有人以氣槍打雀，更有野鴿被捕獸器夾至斷肢。
街坊均感高興
房署今年5月指他蓄意餵鴿，影響環境衞生及對其他住客造成滋擾，勒令他10月27日遷出，沈雖已申請司法覆核可暫緩遷出，但已決定短期內搬走，與兩頭愛犬到元朗村屋過寧靜生活。
不過他最擔心搬走後鴿群被惡待，只盼望「啲人唔好打佢哋，騷擾佢哋。佢哋鍾意去邊咪去囉，如果真係飛入屋企，可以搵政府部門幫手。」
街坊得知餵鴿男將搬走均感高興，認為可以甩難，居民翟伯伯雖擔心空降鴿屎，但認為沈被迫遷「好冇人情味」。